Pasditen e sotme, policia ka goditur një tentativë për kultivim të bimëve narkotike në zonën e bregut të lumit në Vlorë.
Ne vijim të kontrollit të territorit për parandalimin dhe goditjen e kultivimit të bimëve narkotike, efektivët e policisë në fshatin Treblovë të Selenicës, kanë konstatuar pranë një përroi rreth 400 fidanë të dyshuara si kanabis sativa, gati për t’u kultivuar.
Në përfundim të veprimeve të para hetimore, policia ka arrestuar në flagrancë K.V., 57 vjeç i dyshuar për veprën penale “Kultivimi i bimëve narkotike”.
Gjithashtu u procedua penalisht në gjendje të lirë kryeplaku i fshatit, B.M., 61 vjeç, për veprën penale “Shpërdorim detyre”, pasi dyshohet se nuk ka përmbushur detyrat për kontrollin e territorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
