.png)
Kryeministri Edi Rama ka zgjedhur të “injorojë” protestën e opozitës duke postuar në rrjetet sociale pjesë nga puna në studion e tij, duke punuar një vazo balte.
“Ai momenti kur njëri thotë varja se u pre rruga dhe tjetri thot jo, sapo u hap një rrugë e re” shkruan Rama bashkëngjitur videos.
Ndërkohë që për protestën e sotme, nga Fieri reagoi kreu i grupit parlamentar të PS-së, Taulant Balla, i cili deklaroi se opozita përgjigjen do ta marrë me 14 maj.
“Sali Berisha sot ka thirrur protestë që të justifikojë hallin e tij. Të gjithë e dinë se është shpallur non grata. Pyetja është ka ndonjë dyshim që Berisha s’ka bërë korrupsion. Që nga dita e parë më 22 mars 1992, mori një shuplakë në zgjedhjet e korrikut dhe nga ai moment u munduar që zgjedhje të lira të mos kishte, e çoi vendin në kolaps. SHBA e ka shpallur non grata. Gjëja më qesharake është se del Berisha e thotë një person në SHBA më ka bërë këtë mua. Po është fshehje pas gishtit. Dhe unë mendoj që ka ikur koha që Berisha e Meta t’i marrin shqiptarët për budallenj. Kush ka dy pare mend e kupton qe protesta është për t’iu kundërvënë drejtësisë. Protesta u thirr ditën që u thirr Shkëlzen Berisha në SPAK”, deklaroi Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
