.png)
Këngëtarja shqiptare me famë botërore Dua Lipa ka dhuruar disa momente gazmore gjatë një intervistë me moderatorin Jimmy Kimmel.
Moderatori amerikan kishte përzgjedhur disa nga shprehjet të përdorura gjerësisht nga shqiptarët, duke kërkuar shpjegimin për kuptimin e tyre nga këngëtarja Dua Lipa.
Disa nga shprehjet ishin “I ke bërë lekët rrush e kumbulla”, Kishte një dërrasë mangët, Sa për sy e faqe, Hip se të vrava zbrit se të vrava”.
Gjatë intervistës nuk kanë munguar të qeshurat në emision, ndërsa Dua Lipa ka shpjeguar secilën shprehje.
“I ke bërë lekët rrush e kumbulla”, Dua Lipa e shpjegoi duke thënë: “Do të thotë t'i shpenzosh të gjitha parat e tua për të pirë e për të festuar, për të bërë qejf. Pra rrush dhe kumbulla.”
Jimmy Kimmel: E kishte një dërrasë mangët
Dua Lipa: Shumë gallat, e kishte një dërrasë mangët. Përkthimi fjalë për fjalë është “Të mungojnë dërrasat” që do të thotë pak a shumë si të thuash “të mungojnë disa vida”
Jimmy Kimmel: Sa për sy e faqe
Dua: Të bësh diçka vetëm për tu dukur pra vetëm për “show”.
Po ajo çfarë ka sjellë më qeshura ishte shprehja: “Hip se të vrava, zbrit se të vrava”, për të cilën Dua tha: “Hip ose do të të vras zbrit ose do të të vras”, ç’ka ka shkaktuar të qeshura në studio.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
