Maks Vershtapen do të niset i pari edhe në Jedah. Ai ishte më i shpejti në provat zyrtare, duke regjistruar kohën 1 minutë, 27 sekonda e 472 të mijëtat. Në krah të tij do të jetë Sharl Leklerk, që vetëm me 16 të mijëtat i mohoi dopietën Red Bull-it.
Francezi i Ferrarit ishte 319 të mijëtat pas kampionit Vershtapen. Në rreshtin e dytë do të pozicionohen Perez me Red Bull dhe Fernando Alonso me Aston Martin. MeLaren ka monopolizuar rreshtin e dytë, ku Oskar Piastri është i pesti dhe Lando Norris i gjashti, të shkëputur 617 dhe 660 të mijëtat nga kreu.
Another classy quali performance from Max 👏#F1 #SaudiArabianGP pic.twitter.com/QeutrcilSD
— Formula 1 (@F1) March 8, 2024
Vetëm një ngjyrë, këtë herë argjendi, edhe në rreshtin e katërt, me Mercedesët e Xhorxh Rasëll dhe Ljuis Hemilton. Mbyllin ‘top ten’ Juki Tsunoda (Racing Bulls) dhe Lens Stroll me Aston Martin e dytë.
Mjaft e mirë edhe prova për Oliver Bearman me SF-24… të Sainz. Piloti 18-vjeçar anglez ka marrë përgjegjësitë dhe ka treguar cilësitë e tij, tani mbetet të shihet se çfarë do të bëjë në garë, ku do të zëvendësojë Sainz, që mungon për arsye shëndetësore.
Alonso on the second row, Bearman starting from P11 in his first F1 race 💪
— Formula 1 (@F1) March 8, 2024
Expect the unexpected on the charge down to Turn 1 in Jeddah 🍿#F1 #SaudiArabianGP pic.twitter.com/kZTOdH8PID
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
