.png)
Gazeta Si – I dyti e kaloi finishin Perez, por e humbi këtë pozicion ndaj Leklerk dhe Rasëll për shkak të një penaliteti prej 5 sekondash. Mercedesi mbrojti vendin e dytë në renditjen e kostruktorëve.
Është mbyllur me fitoren e 19-të të kampionit Maks Vershtapen Botërori 2023 i Formulës 1. Holandezi ka dominuar edhe në Çmimin e Madh të Abu Dhabit, duke kaluar i pari finishin, para makinës tjetër Red Bull të drejtuar nga Serxhio Perez dhe Ferrarit të Sharl Leklerk.
Perez mori një ndëshkim me 5 sekonda për një kontakt me Norris dhe humbi vendin e dytë. Nga ky penalizim përfituan Leklerk që u ngjit i dyti dhe Rasëll që zuri vendin e 3-të në pod. Ljuis Hemilton e përfundoi këtë garë në vend të 9-të.
A stunning achievement 🤩@Max33Verstappen wins his 19th race of the season #F1 #AbuDhabiGP pic.twitter.com/nNchlK2oLB
— Formula 1 (@F1) November 26, 2023
Tërheqja nga gara e Karlos Sainz bëri që Ferrari të mos e kalonte dot Mercedesin në luftën për vendin e dytë për kostruktorët. Skuderia italiane e ka mbyllur në vend të 3-të, pas Red Bull-it dhe Mercedesit.
FINAL TEAM STANDINGS 👀@MercedesAMGF1 confirmed as runners-up#F1 #AbuDhabiGP pic.twitter.com/z335Iy3Ve6
— Formula 1 (@F1) November 26, 2023
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
