Kreu i grupit parlamentar të LSI-së, Petrit Vasili ka kritikuar vendimet e para të zv/ministrit të Brendshëm Sandër Lleshi.
Vasili thotë se Lleshi, në vend që të merret me krimin, urdhrin e parë për policinë e ka dhënë për kryerjen e punëve që i takojnë Bashkisë.
“Merret me plehrat e bashkisë dhe jo të krimit ndaj Edi Rama vdiq për Lleshajn. Urdhri i parë i Keqformimit kushtetues, që drejton sot në menyrë antikushtetuese Ministrinë e Brendshme ishte të merret policia me plehrat urbane dhe jo me plehrat kriminale që tunden e shkunden në mes të qyteteve tona, – shkruan Vasili. – Jo rastësisht Lleshaj e fillon me një Sorrosizëm të tillë se këtë i ka kërkuar kryeministri. Ndaj dhe kryeministri vdiq për Lleshajn”.
Sipas deputetit të LSI-së, “vetëm ai mund ta rehatojë kryeministrin dhe ta bëjë sefte punën duke urdhëruar policinë e shtetit të merret me plehrat e bashkisë dhe jo me plehrat e krimit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
