.png)
Një mutacion i ri i koronavirusit i quajtur “M” është identifikuar nga ekspertët e Organizatës Botërore të Shëndetit.
M, ose i quajtur ndryshe B.1.621, u identifikua për herë të parë në Kolumbi dhe rastet janë raportuar në Amerikën e Jugut dhe Europë. Sipas buletinit javor të pandemisë, varianti i ri ka mutacione që tregojnë se mund të jetë më rezistent ndaj vaksinave Covid-19, siç ishte rasti me mutacionin Beta, por OBSH theksoi se do të duheshin më shumë studime.
“Që kur rasti i parë u raportua në Kolumbi në janar 2021, ka pasur disa raste të mutacionit “M” dhe disa shpërthime të mëdha në vende të tjera në Amerikën e Jugut dhe Evropë.
“Megjithëse prevalenca globale e mutacionit midis rasteve është nën 0.1%, e prevalenca e rasteve të reja në Kolumbi dhe Ekuador po rritet vazhdimisht. Epidemiologjia e mutacionit” M “në Amerikën e Jugut, veçanërisht me bashkëjetesën e mutacionit “Delta” do të monitorohet për çdo ndryshim,” raportoi OBSH.
Deri më tani, ka pasur katër mutacione shqetësuese të koronavirusit, sipas Organizatës Botërore të Shëndetit. Mutacioni “Alpha”, i zbuluar për herë të parë në Kent, Britani të Madhe dhe që u shfaq në 193 vende, mutacioni “Beta”, i cili është regjistruar në total nga 141 vende, mutacioni “Gama” në 91 vende dhe mutacioni “Delta” në 170 vende.
Mutacioni “M” është i pesti me radhë në të cilin organizata ndërkombëtare po përqendron vëmendjen e saj./The Guardian/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje