Gazeta Si – Prej javësh, një pjesë e Evropës, përfshirë dhe rajonin e Ballkanit, po përballet me temperatura rekord, që në shumë vende i kanë tejkaluar 40 gradë celsius, sidomos në jug e perëndim të kontinentit.
Zjarret e thatësira duket se janë shqetësimi kryesor për miliona banorë në Greqi, Itali, Francë, Spanjë, Algjeri, Tunizi e deri në Afrikën e Veriut dhe Lindjen e Mesme. Ekspertët e kanë cilësuar atë që po ndodh, si kriza më e madhe që prej vitit 2017-të.
Deri më tani janë regjistruar 281 viktima si pasojë e tymit dhe flakëve në Francë, Portugali dhe Spanjë, ndërkohë që flakët prej javësh kanë përfshirë një pjesë të Europës.
Incendio forestal en Casa de Miravete en la N-5, Provincia de Cáceres. Seguimos! @La_SER @A3Noticias @BomberosCUBP @EPExtremadura pic.twitter.com/l7DTMyUpyI
— Emilio Mateos Ortega (@emiliomoska) July 14, 2022
I nxehtë rekord dhe thatësira
Shkencëtarët thonë se ndryshimet klimatike mund të rrisin edhe më shumë riskun nga zjarret, sidomos në këtë verë, ku rritja e temperaturave dhe thatësira, e lehtësojnë edhe më shumë këtë rrezik.
Të sfiduar nga temperaturat e larta dhe erërat e forta, 1,000 zjarrfikës dhe 10 aeroplanë që hedhin ujë u munduan të premten për të shuar dy zjarre në rajonin Bordo të Francës jugperëndimore që kanë detyruar evakuimin e 11.300 banorëve.
Më shumë se 7.000 hektarë tokë janë djegur nga zjarret, sipas shërbimit rajonal të urgjencës.
Në fillim të korrikut, në Francë, autoritetet njoftuan se mund të detyrohen të shkurtojnë prodhimin bërthamor për shkak të temperaturave të larta të zgjatura dhe ujit të pamjaftueshëm të lumit, i cili përdoret për ftohjen e reaktorëve bërthamorë përpara se të kthehet në lumë në një temperaturë më të lartë.
#EFFIS Fire Danger Forecast for 15 July
— Copernicus EMS (@CopernicusEMS) July 15, 2022
🔥Very Extreme Danger forecasted in:
➡️South & western #Spain🇪🇸
➡️Central & southern #Portugal🇵🇹
➡️Southeastern #France🇫🇷
➡️Southeastern #Greece🇬🇷
Extreme Danger is present in areas of:
🇵🇹🇪🇸🇫🇷🇮🇹🇦🇹🇭🇷🇧🇦🇲🇪🇦🇱🇸🇰🇵🇱🇭🇺🇷🇸🇬🇷🇹🇷🇨🇾 pic.twitter.com/mkmsshOvJg
Italia, Portugalia e Spanja në gjendje alarmi
Edhe Italia po përjeton thatësirën e saj më të keqe në 70 vjet dhe autoritetet shqetësohen se thatësira e zgjatur mund të çojë në mungesa serioze të ujit të pijshëm dhe atë për vaditje, duke prekur popullsinë vendase në gjithë Italinë veriore.
Në po të njëjtën situatë të vështirë janë edhe Portugalia dhe Spanja, ku autoritetet kanë shpallur gjendje alarmi, për shkak të zjarreve, të ndihmuara nga temperature të larta mbi 41 gradë, por të dy vendet po përballen po ashtu, prej fundit të qershorit, me një tjetër situatë kritike: thatësirën, që është klasifikuar nga autoritetet shtetërore si “ekstreme” apo “shumë e rëndë”.
Në Gjermani, autoritetet i kanë bërë thirrje qytetarëve që të kursejnë, edhe në rubinetet e tyre ujin sepse kjo situatë rrezikon të zgjasë, ndoshta edhe për 2 muaj të tjerë.
Britania shpall emergjencën
Ndërkohë, qeveria britanike lëshoi të premten alarmin e kuq të emergjencës kombëtare, pasi vendi pritet të përballet me motin e tij më të nxehtë në histori.
Agjencia e sigurisë shëndetësore e Britanisë së Madhe, grupi qeveritar i monitorimit të shëndetit dhe sigurisë, rriti paralajmërimin për shëndetin mbi nxehtësinë për Anglinë në maksimum, në nivelin 4, pasi temperaturat pritet të arrijnë në 40 gradë celsius këtë fundjavë dhe në fillim të javës së ardhshme. Zyra e motit po ashtu lëshoi alarm të kuq.
“Temperaturat ekstreme, pritet të përfshijnë pjesën lindore dhe veriore të vendit në fillim të javës së ardhshme”, tha shefi i Shërbimit kombëtar të motit, Paul Gundersen.
“Netët mund të jenë jashtëzakonisht të ngrohta, veçanërisht në zonat urbane. Kjo mund të çojë në ndikime të gjera te njerëzit dhe infrastruktura. Prandaj është e rëndësishme që njerëzit të planifikojnë për nxehtësinë dhe të marrin në konsideratë ndryshimin e rutinës së tyre. Ky nivel i nxehtësisë mund të ketë pasoja negative për shëndetësinë”, tha Gundersen.
Alarmi i kuq i nivelit të katërt, niveli më i lartë i mundshëm për një emergjencë të nxehtësisë, u shpall mëngjesin e sotëm.
Edhe Ballkani po “digjet”
Përveç Shqipërisë, edhe Kroacia raportoi për prani zjarresh në disa zona, ndërkohë që të rrezikuara mbeten Greqia Qendrore dhe Maroku.
Shkak i zjarreve vlerësohet se është vala e të nxehtit për shkak të ndryshimeve klimatike.
Zjarri i madh që ra mesditën e së premtes në Bashkinë Agios Vassiliou, në Rethymnon të Kretës, ka marrë përmasa të rrezikshme, ndërsa në orët e para të pasdites është vënë alarmi për një zjarr të ri që ka rënë në fshatin Rodakino, po në prefektura e Rethymno-s.
Pak pas orës 22:00, fshatrat Shaktouria, Krya Vrysi dhe Agios Giorgis nisën të evakuohen me urdhër të kryetarit të bashkisë Yiannis Tatarakis dhe përgjegjësve të mbrojtjes civile. Deri më tani janë evakuuar gjashtë vendbanime.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
