Gazeta Si – Boksieri ukrainas vuajti në fillim, por më pas hodhi në tapet kundërshtarin britanik, në raundin e 9-të. Menjëherë mesazh rivalit Furi për sfidën e unifikimit të titujve të peshave të rënda.
Oleksandr Usyk mbetet kampion bote. Boksieri ukrainas mundi së fundi Daniel Dubois, 25-vjeçarin britanik, duke ruajtur kështu titujt e peshave të rënda, Wba, Ibf dhe Wbo. Ndeshja e zhvilluar në Poloni zgjati 9 raunde, aq iu deshën 36-vjeçarit kampion në fuqi për të mposhtur kundërshtarin.
Fitorja nuk ishte e lehtë në fakt për Usyk, pasi Dubois rezistoi. Ai ia doli madje ta hidhte në tokë rivalin në raundin e 5-të, por goditja u vlerësua poshtë brezit nga arbitri, që i dha 5 minuta shtesë ukrainasit. Nga ky moment Usyk e mori veten, në raundin e 8-të e vuri poshtë Dubois, për t’i dhënë goditjen vendimtare në të 9-tin.
Mbrojtja e titujve e lejon ukrainasin të ruajë rekordin perfekt me 21 fitore dhe 0 humbje. Tani kundërshtari i radhës mund të jetë Tajson Furi, në një ndeshje që do të vlente unifikimin e titujve të peshave të rënda. “Jam gati që nesër”, – deklaroi Usyk pas fitores.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
