Pranë ambienteve të Spitalit Universitar të Traumës, Ministrja e Shëndetësisë dhe Mbrojtjes Sociale ka konfirmuar se urgjencat kirurgjikale do të realizohen pranë këtij spitali.
“Është një vendim që kemi marrë së bashku me Komitetin Teknik dhe drejtues të Burimeve Njerëzore për të mundësuar lehtësimin e spitaleve tona si QSUT dhe Spitali “Shefqet Ndroqi”” u shpreh Ministrja.
Ministrja deklaroi se në kuadër të zhvendosjes së operacioneve kirurgjikale dhe patologjive malinje do të të zhvendosen edhe pajisjet mjekësore dhe barnat për t’i ardhur në ndihmë Spitalit Universitar të Traumave në mënyrë që shërbimi për pacientët të mos ketë asnjë mungesë dhe vonesë.
Gjatë inspektimit Ministrja deklaroi gjithashtu se kanë filluar përgatitjet për të shndërruar spitalin “Shefqet Ndroqi” në spitalin e dytë COVID-19.
“Po bëhet një organizim i mirëfilltë për sa i përket kapaciteteve që do të shtohen aty me burime njerëzore dhe gjithashtu gjithë organizimit për t’i bërë ballë këtij infeksioni,” u shpreh Ministrja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.