Të gjithë qytetarët që kërkojnë të udhëtojnë në drejtim të Rinasit duhet që më parë të telefonojnë në numrin 112, ose 129 në sallën operative të policisë për të marrë lejen e lëvizjes për në aeroport.
Drejtori i Përgjithshëm i Policisë së Shtetit, Ardi Veliu tha se tek këta numra, shtetasit që duan të udhëtojnë nga Rinasi duhet të njoftojnë kohën e udhëtimit, orarin e nisjes së fluturimit, numrin e personave dhe të dhëna të tjera që do t’u kërkohet nga salla operative.
Gjatë udhëtimit, personat në fjalë duhet të kenë me vetë biletën e fluturimit, pasi do t’u kërkohet si kusht i domosdoshëm nga postblloqet e ngritura nga policia e shtetit përgjatë akseve që lidhin Tiranën, Durrësin, apo Krujën me aeroportin ndërkombëtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
