Një 40-vjeçar nga Tirana u arrestua nga policia, pasi u kap me 63 doza kokainë.
Policia thotë se Rigert Sinani u arrestua në rrugën “Allman Dervishi”, pasi në kontrollin e ushtruar në makinën e tij u gjetën 63 doza kokainë.
Sipas policisë, 40-vjeçari merrej me shpërndarjen e lëndës narkotike në zonën e Laprakës kryesisht, si dhe në disa pjesë të tjera të Tiranës.
“Gjatë operacionit policor të koduar “Lapraka”, specialistët për Hetimin e Narkotikëve kapën në rrugën “Allman Dervishi “ dhe më pas arrestuan në flagrancë shtetasin R. S., 40 vjeç, banues në Tiranë, pasi gjatë kontrollit të ushtruar nga Policia në automjetin me të cilin ky shtetas qarkullonte u gjetën 63 doza lëndë narkotike kokainë, një shumë lekësh që dyshohen se janë të përfituara nga aktiviteti kriminal i shpërndarjes së lëndës narkotike dhe katër aparate celular’, thuhet në njoftimin e policisë.
Në cilësinë e provës materiale u sekuestruan një shumë lekësh që dyshohet se janë përfituar nga aktiviteti kriminal, dhe 4 aparate celularë si dhe automjeti me të cilin qarkullonte 40-vjeçari.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprën penale “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
