.png)
Gazeta Si – Rreth dy muaj pas arrestimit, Elidon Çela, pronari i agjencisë “Buon Aventura” në autobusin e të cilit u gjetën 522 mijë euro të padeklaruara, është lënë i lirë.
Gjykata e Durrësit bëri me dije se Çela është liruar me ‘detyrim paraqitje’ nga Gjykata e Apelit në Durrës.
Ka qenë prokurorja Anita Jella, ajo që ka kërkuar lirinë e Elidon Çelës, me arsyetimin se lirimi i tij nga dhoma e paraburgimit nuk e pengon zhvillimin e hetimit.
Autobusi u ndalua për kontroll më 21 tetor 2022, në tentativë për të futur shumën e parave në vendin tonë.
32-vjeçari deklaroi se paratë ishin kursime të familjes në Itali dhe se po i sillte në Shqipëri për t’i investuar në bujqësi.
Në autobusin me udhëtarë, pronë e tij, u gjenden 516 mije euro të fshehura ne pjesën e tavanit të mjetit.
Kjo nuk është hera e parë që kjo kompani transporti akuzohet nga organet ligjzbatuese.
Ajo është hetuar edhe herë të tjera për të njëjtën shkelje si dhe kontrabandë mallrash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
