.png)
Ish-deputeti Klevis Balliu, që u arrestua një ditë më parë pas tensioneve dhe konfrontimeve fizike në zonën e Astirit akuzon policinë për dhunë gjatë shoqërimit për në Komisariatin nr. 6.
Menjëherë pasi ka mbërritur në Komisariatin nr. 6, ish-deputeti Balliu ka kërkuar ekspertë mjeko-ligjorë për të konstatuar shenjat e dhunës në trupin e tij. Pas këqyrjes së trupit, ekspertët mjeko-ligjor kanë përpiluar një raport, i cili më pas iu përcoll prokurorisë dhe do t’i paraqitet gjykatës.
Ish-deputeti Klevis Balliu u arrestua një ditë më parë nga Policia e Tiranës së bashku me 4 persona të tjerë, pasi u vendos në krahë të banorëve që u përplasën me policinë, për të mos lejuar kalimin e eskortës së kryeministrit Rama, i cili do të vizitonte një biznes të zonës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
