.png)
Duke nisur nga 1 prilli, bizneset që në 2017 kanë kaluar një xhiro vjetore prej 2 milionë lekësh janë futur automatiksht në skemën e re të TVSH.
Megjithëse ka pasur kundërshti, për tatimet nuk ka kthim mbrapa, 9900 subjekte duhet të plotësojnë çdo tre muaj deklaratën tatimore për Tatimin mbi Vlerën e Shtuar. Drejtorja e Përgjithshme e Tatimeve, Vasilika Vjero thotë se për bizneset e vogla kjo deklaratë do të jetë e thjeshtëzuar.
“Deklarata e TVSH për këtë kategori biznesi do të jetë shumë e thjeshtëzuar, nuk do të ketë të gjitha rubrikat që ka një deklaratë standarde e TVSH dhe kjo për t’u ardhur në ndihmë të gjithë tatim-paguesve gjatë këtij procesi”, thotë drejtorja e Tatimeve.
Gjatë kësaj periudhe tatimet thonë se do të asistojnë bizneset e vogla që futen për herë të parë në skemën e TVSH, ndërkohë që do ketë tolerime për shkeljet që mund të kryhen gjatë periudhës së parë.
“Administrata nuk do të jetë e ashpër me penalitete për deklarata të gabuara gjatë plotësimit të këtyre deklaratave për herë të parë”, sqaron Vasilika Vjero.
Ulja e pragut të TVSH nga 5 milionë në 2 milionë lekë xhiro vjetore në vit ka hasur kundërshti të mëdha nga biznesi i vogël. Në të gjithë vendin janë organizuar disa protesta kundër kësaj mase të marrë nga qeveria.
Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
