Samiti i vendeve anëtare të Bashkimit Europian është shtyrë me një javë. Shkak për këtë vendim është izolimi i Presidentit të Këshillit, Charles Michel.
Michel u detyrua që të nisë masën e karantinës pasi njëri prej truprojave të tij rezultoi më herët pozitiv me virus.
Zëdhënësi i Presidentit të KiE-së, Barend Leyts njoftoi përmes rrjeteve sociale se Charles Michel gëzon shëndet të plotë dhe se testohet çdo ditë për Covid-19. Ai tha se gjatë testimit të së hënës, Michel rezultoi negativ.
Megjithatë, për shkak të ligjeve belge, Michel duhet të qëndrojë për 14 ditë në karantinë. Kjo e shtyn samitin e parashikuar për t’u mbajtur në datat 24 dhe 25 shtator për në datën 1 dhe 2 tetor.
Në këtë samit, udhëheqësit e BE-së do të diskutojnë për sanksionet ndaj Bjellorusisë dhe Turqisë, si dhe për zgjerimin, ku gjasat janë që Maqedonia e Veriut të marrë datën për mbledhjen e parë ndërqeveritare brenda këtij viti, ndërsa për Shqipërinë ky vendim mund të shtyhet për në vitin e ardhshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
