.png)
Nga Gazeta ‘Si’- Presidenti amerikan, Donald Trump pati një komunikim përmes radios me 4 anëtarët e misionin Artemis II, ku u tha se ata kanë “frymëzuar të gjithë botën”.
“Sot, ju keni bërë histori dhe e keni bërë të gjithë Amerikën vërtet krenare, jashtëzakonisht krenare. Ju me të vërtetë keni frymëzuar të gjithë botën”, deklaroi Trump.
“Kohët e fundit kemi shumë gjëra për të cilat mund të krenohemi, por nuk ka asgjë të ngjashme me atë që po bën ti, duke u rrotulluar rreth Hënës për herë të parë në më shumë se gjysmë shekulli dhe duke thyer rekordin e të gjitha kohërave për distancën më të largët nga planeti Tokë”, shtoi ai.
Presidenti amerikan i konsideroi astronautët “pionierë të ditëve moderne” dhe i përgëzon ata për “një udhëtim të jashtëzakonshëm drejt yjeve”.
Ai gjithashtu tha se shpreson të krijojë një prani të përhershme në Hënë, duke shtuar se mezi pret misionet e ardhshme në Mars.
Pasi përshkuan një distancë rekord prej 406.771 km larg Tokës dhe bënë një rrotullim rreth hënës, astronautët e Artemis II janë në rrugën e tyre për në shtëpi.
Astronautët panë pjesë të sipërfaqes së Hënës që nuk ishin parë kurrë më parë, zona në anën e largët që nuk janë të dukshme nga Toka.
Ekuipazhi pritet të kthehet në Tokë të premten në mbrëmje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje