Nga Gazeta ‘Si’- Presidenti i sapozgjedhur Donald Trump tha se vendet e NATO-s duhet të shpenzojnë 5% të prodhimit të tyre ekonomik për mbrojtjen, duke rritur kërkesat e tij ndaj aleatëve evropianë në më shumë se dyfishin e objektivit aktual.
“Vendet e NATO-s duhet të shpenzojnë 5% të PBB-së për mbrojtje, nga objektivi aktual prej 2%, tha sot presidenti i sapozgjedhur i SHBA-së, Donald Trump në një konferencë për shtyp në Florida.
“Unë jam ai që i detyroi ata të shpenzojnë 2% të PBB-së për mbrojtjen”, tha Trump duke iu referuar presionit që ai ushtroi gjatë mandatit të tij të parë.
Asnjë vend i NATO-s nuk po shpenzon aktualisht 5% të prodhimit të brendshëm bruto (PBB) për mbrojtjen, përfshirë SHBA-në.
Trump, i cili kthehet në Shtëpinë e Bardhë më 20 janar, ka qenë prej kohësh një kritik i NATO-s, duke pretenduar se shumë anëtarë evropianë nuk paguajnë për mbrojtjen, duke u mbështetur te taksapaguesit amerikanë.
Në një tubim të fushatës vitin e kaluar ai tha se do të “inkurajonte” Rusinë “të bënte çfarë të donte” ndaj vendeve të NATO-s që nuk shpenzojnë mjaftueshëm për mbrojtjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
