Gazeta Si – Klubi i njohur holandez ka marrë iniciativën për të dhënë një mesazh nëpërmjet fanellave. Si skuadra e meshkujve, ashtu edhe ajo e femrave, do ta veshin fanellën speciale këtë fundjavë.
Tri pika kundër urrejtjes sociale. Skuadrat e meshkujve dhe femrave të Ajaksit do të zbresin në fushë pa emra në fanellë. Në vend të tyre janë stampuar tri pika. Çdo muaj lojtarët e klubit të madh holandez marrin më shumë se 1500 mesazhe online me përmbajtje urrejtje. Një shifër e bazuar në të dhënat e afruara nga vetë klubi.
Urrejtja sociale është një tendencë në rritje, që godet miliona njerëz. Tri pikat janë një simbol i njohur në nivel botëror, që tregon heshtjen. Tri pikat tregojnë gjithashtu edhe ikonën në menu për të sinjalizuar mesazhet e urrejtjes.
Urrejtja online është një problem i madh social, që përfshin miliona njerëz në shkallë globale. Një studim tregon se 82% e holandezëve preket nga mesazhet e urrejtjes apo komentet fyese në rrjetet sociale. Këto mesazhe përfshijnë kërcënime, diskriminim dhe forma të tjera agresioni, që i drejtohen specifikisht një individi, apo që publikohen në faqe sociale të një tjetër personi.
As a call to silence social hate, the Ajax Men's and Women's teams are playing with three dots on the back of the jerseys. The three dots are a symbol for silence social hate and reporting these hate messages. pic.twitter.com/KYH6N1gk6T
— AFC Ajax (@AFCAjax) December 9, 2023
Megjithatë, vetëm 25% e personave reagon për t’i ndalur këto mesazhe. Kjo do të thotë të kontribuosh në mënyrë të pavetëdijshme në një ambient, ku urrejtja sociale po shndërrohet në një normalitet. Me inicativën #SilenceSocialHate, Ajaksi synon të evidentojë çështjen mbi impaktin e urrejtjes sociale dhe se si mund të ndalet ky fenomen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
