Supozimet e tregut për një spastrim të republikanëve në Kongresin e SHBA-së në zgjedhjet afatmesme të së martës duken shumë të largëta nga rezultatet e parakohshme, duke i lënë investitorët të mendojnë një vështirësim të garës së vitit 2024 për Shtëpinë e Bardhë.
Demokratët patën një paraqitje më të fortë se sa pritej, me një shans për të mbajtur Senatin, duke kufizuar humbjet e pritshme në Dhomën e Përfaqësuesve. Pas humbjes së një vendi kyç në Pensilvani, republikanët tani duhet të fitojnë dy nga tre garat e Senatit në Xhorxhia, Arizona dhe Nevada për të marrë kontrollin e Dhomës.
Pas një sesioni të paqëndrueshëm tregtimi në Wall Street të martën, pjesërisht e anashkaluar nga shpërthimet e fundit në universin e kriptomonedhave, kontratat e së ardhmes në SHBA ishin në të kuqe përpara hapjes së së mërkurës. Dollari u forcua.
Pavarësisht nga rezultatet e sondazhit, problemet në botën e kriptove u thelluan mes frikës së përhapjes dhe shitjes pas kolapsit të afërt të një shkëmbimi të madh të martën. Kriptomonedhat ranë përsëri të mërkurën një ditë pasi bursa kryesore FTX u përball me një sërë tërheqjesh, duke detyruar aktivizimin e një pakete shpëtimi nga rivali më i madh Binance.
Bitcoin, kriptomonedha më e madhe, me rënie pothuajse 75% gjatë 12 muajve të fundit, pësoi një rënie kulminante prej 20% këtë javë, duke arritur nivelin më të ulët në pothuajse dy vjet të martën përpara se të gjente një bazë pak mbi 17.000 dollarë. Por pas një fryrje të shkurtër brenda natës, ajo është ulur përsëri me 7% të mërkurën.
Pjesërisht e lidhur me kriptomonedhat, aksionet e Tesla ranë me 5%. Musk njoftoi se ka situr 4 mld dollarë vlerë aksione të kompanisë para se të blinte Twitter.
Aksionet e Walt Disney ranë me 9%.
Tregjet tani po presin rezultatet e inflacionit të SHBA-së për tetorin, pas atyre në Kinë, që pati tkurrjen më të madhe që nga dhjetori 2020.
Tregjet financiare po presin rezultatet nga 5 ngjarje që po zhvillohen, për të përcaktuar drejtimin e tyre:
* Rezultatet e finale të zgjedhjeve afatmesme të Kongresit të SHBA
* Vendimet nga Presidenti i Rezervës Federale të Riçmondit, Thomas Barkin
* Ankandin e titujve 10- vjeçare në SHBA
* Fitimet e korporatave të SHBA: DR Horton, Wynn Resports, Roblox
* Ministrat e Financave mblidhen në konferencën e klimës COP27 në Egjipt./Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
