Skënder Gega, trajneri i Kukësit, ka rezultuar pozitiv me Covid. Skuadra verilindore është paraqitur sot në duelin e Kupës kundër Besës pa teknikun e saj, i cili prej 3 ditësh është izoluar në shtëpinë e tij. Në ditën pas ndeshjes me Partizanin, Gega kishte lajmëruar klubin se kishte filluar të shfaqte simptoma të lehta të COVID-19, ndërsa sot ka dalë edhe përgjigja e tamponit, e cila për fat të keq ka qenë pozitive.
Kështu trajneri i Kukësit do të vijojë të qëndrojë në karantinë e të mjekohet deri në shërimin e plotë, ndaj në këto ditë drejtimin e skuadrës e ka marrë Rrahman Hallaçi, i cili drejtoi ekipin edhe në ndeshjen e Kupës së Shqipërisë ndaj Besës.
Ndërkohë te Kukësi shpresojnë që infektimi të mos ketë prekur futbollistët, duke qenë se nga fundjava e ardhshme e pret një kalendar i ngjeshur në kampionat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
