Një i ri ka gjetur vdekjen i shtypur nga rruli ngjeshës i asfaltit gjatë punës për shtrimin e dorës së fundit të asfaltit në “Bypassin” e Fierit. Ngjarja e rëndë ka ndodhur rreth orës 16:00, ku 18-vjeëari me inicialet M.K. është shtypur nga makineria e rëndë.
Policia ka mbërritur në vendin e ngjarjes duke nisur hetimet. Ajo ka marrë menjëherë në pyetje drejtuesin e rulit, i cili sipas burimeve të gazetës “Si” ka deklaruar se gjithëka ishte aksidentale dhe pakujdesi e viktimës.
Megjithatë, hetuesit nuk përjashtojnë asnjë pistë deri më tani dhe pritet që hetimet të zgjerohen dhe në pyetje të merret edhe inxhinieri i kompanisë që po shtron asfaltin në këtë rrugë, për të përcaktuar nëse i riu figuron ligjërisht i punësuar në kompaninë që po shtron këtë rrugë dhe nëse janë respektuar kushtet e sigurisë teknike, ashtu sië e kërkon ligji.
Në fund të muajit shtator në këtë aks nisi shtrimi me asfalt, që po realizohet nga kompania “Alb-Building”. Kjo kompani parashikon që rruga të përfundojë brenda muajit tetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
