Gazeta Si – Një 33-vjeçar është arrestuar në zonën e Skroskës në Përrenjas, me akuzën e trafikimit të armëve të zjarrit.
Në kuadër të operacionit “Border Crossing” u bë i mundur arrestimi në flagrancë i shtetasit Sh.Ç, të cilit iu gjetën një automatik kallashnikov dhe një armë gjahu, të cilat dyshohet se i kishte kaluar nëpërmjet kufirit të gjelbër, me qëllim shitjen.
Nga hetimet e deritanishme dyshohet se ai i kishte trafikuar armët, nga RMV-ja në vendin tonë, nëpërmjet kufirit të gjelbër, me qëllim shitjen në Shqipëri.
Në drejtimin e Prokurorisë, vijon puna për dokumentimin e plotë ligjor të veprimtarisë kriminale të shtetasit Sh. Ç., si dhe për nxjerrjen përpara përgjegjësisë ligjore të shtetasve të tjerë që mund të jenë implikuar në këtë rast.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
