Një foshnje e pajetë është gjetur në një kosh mbeturinash në Tiranë. Foshnja ka qenë e futur në një kuti kartoni dhe është gjetur nga disa endacakë që rrëmonin mbeturina, në lagjen “Ali Demi” mbrapa marketit të vjetër.
Dyshohet se foshnja seksit mashkull ka lindur i vdekur, ndërsa nuk dihen ende arsyet se pse fëmija është lënë në koshin e mbeturinave. Foshnja e pajetë është transportuar në morg për veprime të mëtejshme. Nuk dihet koha kur ka lindur pasi ishte mbyllur në kuti kartoni.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes, identifikimin dhe shoqërimin e personit që ka hedhur në kosh foshnjën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
