.png)
Gazeta Si – Tifozët kanë zgjedhur golin e Jasir Asanit ndaj Polonisë si më të bukurin e ndeshjeve të fundit kualifikuese të Euro 2024. Votat e tyre kanë bërë që UEFA ta shpallë atë fitues për herë të dytë në këto eliminatore, pas golit ndaj Moldavisë.
UEFA publikoi sot me një postim në Tuiter renditjen e golave më të bukur, ku veç Asanit në garë ishin edhe Zhoao Feliks, Trosard dhe Samorodov.
Asani zhbllokoi rezultatin e ndeshjes me Poloninë në ‘Air Albania’ me një të majtë të pakapshme për Sheznin, për më tepër nga një pozicion diagonal dhe nga një distancë e largët. Një ekzekutim mjeshtëror i numrit 9 të kuqezinjve, që e ka merituar plorësisht çmimin e ‘Golit të raundit’.
🇦🇱 Jasir Asani's golazo is your Goal of the Round! #EQGOTT | @AlipayPlus pic.twitter.com/i384AfXnmp
— UEFA EURO 2024 (@EURO2024) September 15, 2023
Kombëtarja në fakt na ka mësuar me gola spektakolarë në këto kualifikuese. Kristjan Asllani dhe Nedim Bajrami kanë shënuar gola shumë të bukur që gjithashtu kanë garuar për ‘Golin e raundit’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
