Tifozët e klubit turk të futbollit Besiktas mbushën fushën ku po luhej ndeshja me Antalyaspor me mijëra lodra në shenjë solidariteti për fëmijët që u prekën nga tërmetet shkatërruese në Turqi. “Vodafone Park” ishte i mbushur me 40,000 tifozë, shumë prej të cilëve iu përgjigjën kërkesës së klubit për të sjellë lodra në stadium. Ndeshja ishte shtyrë nga nëntori i vitit që shkoi për shkak të një sulmi terrorist në rrugën historike “Istiklal” të Stambollit.
Loja u ndërpre fiks në orën 4:17 për të kujtuar tërmetin shkatërrues që goditi rajonin jugor të Turqisë tre javë më parë. Tifozët hodhën mijëra lodra prej pellushi në fushë si një gjest mbështetjeje për fëmijët e prekur nga fatkeqësia.
Para fillimit, tifozët gjithashtu bënë homazhe për më shumë se 50,000 viktimat e tërmetit në Turqi dhe Siri. Disa lojtarë shpërthyen në lot gjatë ceremonisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
