.png)
Nga Gazeta ‘Si’- Lideri suprem i Iranit, Mojtaba Khamenei është në gjendje të rëndë dhe pa ndjenja në qytetin e Qomit, sipas një memoje diplomatike të cituar nga gazeta britanike The Times, e cila thotë se ai nuk është në gjendje të kryejë detyrat e tij ose të marrë pjesë në vendimmarrjen e regjimit.
Sipas raportimit, vlerësimi i përfshirë në memorandum mbështetet në informacione të mbledhura nga shërbimet inteligjente amerikane dhe izraelite, të cilat thuhet se u janë shpërndarë edhe vendeve të Gjirit.
Kjo konsiderohet si hera e parë që bëhen publike detaje konkrete mbi vendndodhjen e figurës kyçe të establishmentit iranian që nga fillimi i konfliktit, ndërsa dyshohet se ai është plagosur gjatë sulmeve fillestare të 28 shkurtit.
I njëjti dokument përmend gjithashtu se janë ndërmarrë përgatitje për varrimin e ish-udhëheqësit suprem, Ali Khamenei, në qytetin e Qom, pas raportimeve për vdekjen e tij gjatë goditjeve të para të luftës.
Deri më tani, autoritetet iraniane nuk kanë konfirmuar zyrtarisht këto informacione. Megjithatë, publikimi i tyre pritet të nxisë diskutime të forta mbi balancat e brendshme të pushtetit në Tehran, në një moment veçanërisht delikat për rajonin.
Zhvillimet vijnë gjithashtu në një kohë kur po afron afati i ultimatumit të dhënë nga presidenti amerikan Donald Trump për arritjen e një marrëveshjeje, duke shtuar pasigurinë mbi ecurinë e situatës politike dhe ushtarake në Lindjen e Mesme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje