Një 30-vjeçar është arrestuar ditën e premte në Kukës, pasi tentoi që të vriste të dashurin 23-vjeçar të gruas së tij.
Në pranga u vu Dorian Idrizaj, banues në Tiranë, i cili ka shkuar në banesën e shtetasit me iniciale K.K., në lagjen Nr.1 në Kukës, ku prej disa ditësh jetonte aty bashkëshortja e tij.
Pas një konfikti verbal mes të dyve, Dorian Idrizaj ka kanosur dhe ka tentuar të vrasë me armë zjarri të dashurin e gruas.
Falë edhe ndërhyrjes së banorëve të pallatit është bërë neutralizimi i 30-vjeçarit si dhe sekuestrimi i kallashnikovit me 19 fishekë.
Dyshohet se në Kosovë, personi i arrestuar keqtrajtonte dhe shfrytëzonte për prostitucion në lokale nate bashkëshorten e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
