.png)
Rënia e vlerave barike do të sjellë ulje të temperaturave në të gjithë territorin e Shqipërisë. Vranësirat dhe reshjet do të jenë të pranishme në pjesën më të madhe të vendit ku herë pas here do të ketë rrebeshe më të dukshme në zonat veriore dhe qendrore.
Pjesa e dytë e ditës do të përmirësojë gradualisht kushtet e motit përgjatë vijës bregdetare duke lënë me vranësira dhe shira të gjithë pjesën tjetër të territorit.
Temperaturat e ajrit do të pësojnë rënie në të dy vlerat ekstremale ditore duke u luhatur nga 8°C vlera më e ulët në qarkun e Dibrës deri në 28°C vlera më e lartë në qarkun e Elbasanit.
Era do të fryjë e fortë si në tokë dhe në det duke arritur shpejtësinë mbi 65 km/h nga drejtimi veriperëndimor dhe kjo do të bëjë që në brigjet detare të krijohet dallgëzim 5 ballë.
Ndërsa të shtunën do të ketë mbizotërim të motit të qëndrueshëm me intervale të gjata e nuk priten reshje. Temperaturat e ajrit do të kenë rënie. Ndërsa maksimumet në rang territori të jenë në 30 gradë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
