Ashpërsimit të kontrolleve nga ana e Policisë së Burgjeve kundër pajisjeve të komunikimit me jashtë, të burgosurit u janë përgjigjur me një ide gjeniale.
Televizorët smart janë transformuar si mjete komunikimi të të dënuarve me botën jashtë dhe nga kontrollet e ushtruara javën e kaluar, të paktën 4 të tillë janë zbuluar në qelitë e burgjeve të vendit.
Burime të Gazetës Si konfirmojnë se një rast është zbuluar në burgun e Burrelit dhe një tjetër në atë të Peqinit. Në të dyja rastet, pajisjet janë sekuestruar dhe prokuroria ka nisur hetimet edhe për stafin e burgjeve përkatëse.
Për raste të ngjashme dyshohet se ka edhe në burgun e Fierit dhe atë të Korçës, por këtu prokuroria nuk ka nisur ende hetimet dhe është në fazën paraprake të shqyrtimit të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
