.png)
Skena e famshme e teknos së Berlinit përfshihet në listën e trashëgimisë kulturore jomateriale të UNESCO-s
Gjatë viteve 1980 skena e klubeve të Berlinit u zhvillua në një nga bërthamat kryesore të subkulturës tekno të asaj kohe në botë. Zhanri i muzikës elektronike u bë një lloj kolone zanore e viteve të ndryshimit pas ribashkimit të Gjermanisë. Si simbole të saj mund të përmenden klubi legjendar "Tresor", i cila u hap në vitin 1991 si dhe Parada vjetore e Dashurisë. Tani skena e famshme e teknos së Berlinit përfshihet në listën e trashëgimisë kulturore jomateriale të UNESCO-s.
Berlini njihet në botë për gjallërinë e klubeve, megjithatë shumë prej tyre po vuajnë ende nga pasojat e pandemisë COVID-19.
E ngarkuara e qeverisë gjermane për kulturën, Claudia Roth, e vlerësoi përfshirjen e skenës berlineze të teknos si një shenjë të rëndësishme për një koncept të zgjeruar të kulturës, i cili drejtohet kundër "ndarjes absurde" midis kulturës serioze dhe kulturës argëtuese.
"Pavarësisht nëse kemi të bëjmë me subkulturë apo teknika tradicionale artizanale, ato të gjitha janë pjesë e pasurisë kulturore të vendit tonë”, tha ajo në Berlin.
Lista e trashëgimisë kulturore jomateriale të UNESCO-s përfshin elemente të tilla si muzika, vallet, performancat, zejet e lashta dhe zakonet e ndryshme si thesare kulturore botërore që duhen mbrojtur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
