.png)
Nga Gazeta ‘Si’- Zëvendësministri i Jashtëm i Iranit, Saeed Khatibzadeh, tha se Irani do të sigurojë “kalim të sigurt” nëpër Ngushticën e Hormuzit, por vetëm pasi SHBA-të të ndalë agresionin e saj.
Ai shtoi se kalimi i sigurt varet nga “vullneti i mirë i Iranit dhe Omanit” dhe se nuk do të lejojë përdorimin e Ngushticës nga anijet luftarake.
Hormuzi, sipas tij, ka qenë i hapur për shekuj, deri në fillimin e konfliktit me SHBA-të.
Zëdhënësja e Shtëpisë së Bardhë, Karoline Leavitt, deklaroi se qëllimi kryesor i presidentit amerikan Donald Trump ka qenë eliminimi i kërcënimit që paraqet Irani dhe ndalimi i aspiratave të tij bërthamore.
Duke iu përgjigjur pyetjeve të gazetarëve, ajo theksoi se ky objektiv është arritur në masë të madhe.
“Ky kërcënim tani është shkatërruar shumë”, u shpreh Leavitt.
Sipas saj, zhvillimet e fundit kanë hapur rrugën për një fazë të re diplomatike.
“Tani vjen periudha e negociatave”, tha ajo, duke shtuar se qëllimi është arritja e një paqeje afatgjatë në rajon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje