Të shtëna me armë zjarri, arrestohet i riu në Shkodër

10:23 - 02 Maj 2019

Policia e Shkodrës ka vënë në pranga një 25-vjeçar, pasi ka qëlluar me armë zjarri në ajër.
Bëhet fjalë për shtetasin me iniciale P. I, banues në lagjen “Guerrile”, i cili ka rënë në prangat e policisë pak pasi qëlloi në ajër me armë zjarri.
Policia menjëherë më pas i ka sekuestruar edhe armën e tipit kallashnikov, e cila dyshohet të jetë përdorur nga i 25-vjeçari.
Materialet iu referuan Prokurorisë së Rrethit Gjyqësor Shkodër për veprat penale “Prishja e qetësisë publike” e “Mbajtja pa leje dhe prodhimi i armëve, armëve shpërthyese dhe i municionit”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.