.png)
Sipas të dhënave të fundit, të rinjtë mund të preken më shumë nga mpiksja e gjakut ndaj vaksinave të Covid-19. Të paktën këtë tregon një raport i publikuar në Mbretërinë e Bashkuar mbi vaksinat AstraZeneca. Agjencia Rregullatore e Barnave dhe Produkteve Shëndetësore (MHRA) tha se kishte 209 raste në Mbretërinë e Bashkuar të një kombinimi të rrallë të mpiksjes së gjakut me numër të ulët të trombociteve pas vaksinimit të goditjes Oxford-AstraZeneca, me 41 vdekje. Shkencëtarët kanë zbuluar se njerëzit që zhvillojnë mpiksje pas vaksinimit kanë prodhuar antitrupa që aktivizojnë trombocitet e tyre, një përbërës gjaku që nxit mpiksjen.
Gjermania, Hollanda, Portugalia, Spanja dhe Filipinet kanë rekomanduar që vaksina AstraZeneca t’u jepet vetëm njerëzve mbi 60 vjeç. Kanadaja dhe Franca e kanë kufizuar vaksinën në personat mbi 55. Danimarka dhe Norvegjia kanë ndaluar përdorimin e vaksinës tërësisht.
Të dhënat e reja tregojnë gjithashtu 24 raste të mpiksjes tek grupmosha e personave nga 8 deri në 29 vjeç. Sipas MHRA në raporte të mëparshme është vërtetuar se ka pasur një sërë njerëzish që kishin pasur pasoja fatale. Shefja ekzekutive e MHRA, June Raine tha se asnjë ilaç ose vaksinë nuk ishte pa rrezik, por që mpiksjet e gjakut ishin jashtëzakonisht të rralla.
“Përfitimet e vaksinës vazhdojnë të tejkalojnë rreziqet për shumicën e njerëzve. Është ende me rëndësi jetësore që njerëzit të paraqiten për të marrë vaksinën e tyre”,shtoi Raine.
Të dhënat gjithashtu treguan se 120 raste të mpiksjes u regjistruan në gra ndërsa 89 burra dhe shkalla e përgjithshme e vdekshmërisë së rasteve ishte 19 për qind.
Burimi: The Independent/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje