Të premten solstici dimëror: Dita më e shkurtër dhe nata më e gjatë e vitit

Që nga solstici i verës në qershor, ditët janë shkurtuar dhe netët janë zgjatur në hemisferën veriore. Por kjo është gati të ndryshojë.

Solstici dimëror, dita më e shkurtër e vitit dhe dita e parë zyrtare e dimrit, është sot, më 21 dhjetor. Mënyra se si funksionojnë solsticat, së bashku me ekuinokset e pranverës dhe të vjeshtës, i ka magjepsur njerëzit për mijëra vjet.

Është një ditë kur shkenca përzihet me traditat e lashta në mbarë botën.

Solstici i dimrit shënon ditën më të shkurtër të vitit dhe natën më të gjatë në Hemisferën Veriore, kur dielli shfaqet në pozicionin e tij më jugor.

Situata është e kundërta në hemisferën jugore, ku jeton vetëm rreth 10% e popullsisë së botës ku solstici i dhjetorit shënon ditën më të gjatë të vitit dhe fillimin e verës, në vende të tilla si Argjentina, Madagaskari, Zelanda e Re dhe Afrika e Jugut.

Kur ndodh saktësisht solstici dimëror?

Solstici zakonisht, por jo gjithmonë, ndodh më 21 dhjetor. Data kur ndodh solstici mund të lëvizë përpara ose prapa me një ditë, sepse viti diellor (koha që duhet që dielli të rishfaqet në të njëjtin vend siç shihet nga Toka ) nuk përputhet saktësisht me vitin tonë kalendarik.

Evropa, Afrika dhe Azia do të shënojnë teknikisht solsticin dimëror të premten, më 22 dhjetor.

Çfarë e shkakton solsticin e dimrit?

Për shkak se Toka është e anuar në boshtin e saj rrotullues, ne kemi ndryshim të stinëve. Ndërsa planeti lëviz rreth diellit, çdo hemisferë përjeton dimër kur anon nga dielli.

Shkencëtarët nuk janë plotësisht të sigurt se si ndodhi kjo, por ata mendojnë se miliarda vjet më parë, ndërsa sistemi diellor po merrte formë, Toka ishte subjekt i përplasjeve të dhunshme që shkaktuan animin e boshtit.

Traditat e solsticit dimëror

Nuk është çudi që shumë kultura dhe fe festojnë një festë, qofshin Krishtlindjet, Hanukkah, Kwanzaa apo festat pagane që përkojnë me kthimin e ditëve më të gjata.

Popujt e lashtë, mbijetesa e të cilëve varej nga njohja e saktë e cikleve sezonale, shënuan këtë ditë të parë të dimrit me ceremoni dhe festime. Nga ana shpirtërore, këto festime simbolizojnë mundësitë e reja.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.