.png)
Pasi janë shpallur rezultatet e 4 provimeve të Maturës Shtetërore, të gjithë maturantët që janë të interesuar për të parë kopjen e testit të tyre mund të aplikojnë sot deri në orën 16:00 në platformën e-Albania.
Duke përdorur shërbimin “Kërkesë për kopje testi të maturës”, maturanti do të marrë kopjen e testit nga QSHA në “Hapësira ime” , seksioni “Dokumentet e mia” në llogarinë përkatëse të çdo maturanti në e-Albania.
Nëse maturantët konstatojnë gabime në korrigjim, ata mund të drejtohen në shkollën e tyre për të ndjekur procedurat për rivlerësimin e testit në datën 3 Korrik 2023.
Këtë vit, rreth 30 mijë maturantë iu nënshtruan 4 provimeve, 3 prej tyre të detyruara dhe 1 provim me zgjedhje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
