.png)
Shumë të rinj, të punësuar apo ish në call center-a, të llojt forex, tregojnë për gazetasi.al se i gjithë sektori po pëson një krizë, goditja e parë e së cilës erdhi nga kontrollet e menjëhershëm muajt e fundit të vitit të shkuar, ku autoritetet mbyllën aktivitetin dhe burgosën disa nga punonjësit e drejtuesit e tyre. I., thotë se kishte vetëm dy javë që kishte nisur punë në një call center ilegjitim në kryeqytet, kur u shoqërua në komisariat bashkë me të gjithë kolegët dhe eprorët e saj. Ajo nuk kishte pasur as kohën fizike të “mashtronte” dikë, vetëm kishte kryer telefonata.
Ekonomistja e një call center-i po ashtu ilegal në Tiranë, tregon për gazetasi.al se kontrollet e befasishme nga policia, kanë rritur frikën si për punonjësit dhe për drejtuesit, duke shkaktuar një mungesë të fuqisë punëtore në këtë sektor, por edhe një ulje të produktivitetit të atyre që janë aty.
“Kanë kaluar javë pa u bërë një depozitë, nuk ka ndodhur më herët. Nga kjo kemi vendosur dhe që pagat e muajit të ardhshëm të reduktohen me 50 euro.”
Aksionieri i një tjetër call center-i forex, thotë se kompania e mëparshme është ndarë në dy pjesë tani me drejtues të ndryshëm, për shkak të konflikteve të ardhura nga këto pasiguri. Kjo solli reduktim të punonjësve aty dhe presion të rritur për të mbajtur ata më të aftët në punë.
Sipas informacioneve nga platforma e punësimit “Profesionisti” pjesë e Çelësi Media Group në vendin tonë, rënia e kërkesës dhe ofertës ka qenë e balancuar.
“Punëmarrësit nuk shikojnë asnjë lloj zhvillimi karriere dhe mendohet vetëm si një trampolinë apo rrugë provizore deri në gjetjen e punës që dëshirojnë realisht”,- thotë Orneda nga “Profesionisti”.
Në vendimin e fundit të Autoritetit të Mbikëqyrjes Financiare, iu hoq licenca 2 kompanive të brokerimit, që operonin në këtë fushë dhe iu pezullua për 3 muaj një të trete.
Nga të dhënat e terrenit, shumica e këtyre call center-ave janë të paregjistruar dhe të palincecuar me një IP të një vendi tjetër europian. Disa të regjistruara, operojnë nën veprimtarinë e konsulencës dhe marketingut.
Forex në vetvete është një ndërmjetësim i ligjshëm midis bursës dhe një investitori potenciale, me anë të agjentëve të brokerimit, të cilët i ndihmojnë klienët të hedhin paratë në bursë dhe të marrin një fitim mbrapsht. Ngërcci krijohet kur paratë kalohen dhe fitimi nuk merret, sepse ato janë në llogarinë e call center-it shqiptar dhe jo realisht në bursë.
Një call center Forex ka 3 kategori që shërbejnë si operatorë: Junior, ku zakonisht janë të rinj me aspak ose pak eksperiencë që mund të kryejnë deri në 800 telefonata në ditë me një sistem automatik. Ata i mbushin mendjen qytetarëve të huaj që telefonojnë të marrin informacione më tepër mbi këtë “investim”. Nëse loja ecën mirë, kalon tek operatori Senior, ai që e ka në dorë kryerjen e një transaksioni. Kategoria e tretë quhet Retention, aty ku ndodh ribindja. Operatorët e Retention merren me investitorët që kanë investuar shuma të mëdha dhe potencialisht mund të investojnë përsëri. Të punësuarit në Forex thonë për Gazetasi.al se Retention-i arrin shuma të investuara deri në 300 mijë euro.
Në nëntor të vitit 2021, SPAK nisi hetimin mbi 13 kompani call center-ash me urdhër nga Gjermania dhe Holanda, dy vende që ishin në qendër të agjentëve Forex, lidhur me mirëqenien e tyre. Sipas kërkesës së tyre, kjo përcaktohej si një veprimtari kriminale me bazë tregtinë elektronike.
Një muaj më vonë, u mbyll kompania “RG Capital”, u arrestua Rafael Genish, “truri” i zhvatjes së qindra mijëra eurove, së bashku me 34 persona të tjerë. Nga kjo kompani ishin telefonuar 2 mln klientë të huaj.
Më herët, një aksion i ngjashmi kishte ndodhur në Shkodër, ku u arrestuan 8 persona, por truri këtë herë ishte një polak.
Ky sektor që ju premtoi parajsën me para të rinjëve , po fundoset, pa licenca, pa punonjës dhe për më tepër, pa para. Asgjë jashtë pritshmërive për ata që e ndërtuan këtë parajsë, përveç pyetjes se pse tani?
