Në Ukrainë, mesazhet e shkruara mbi predhat e gjuajtura ndaj armikut, kanë marrë një pikësynim të ri në epokën e mediave sociale.
Ngarkesa shtytëse përmban mesazhin sarkastik “Gëzuar ditën e Ushtrisë Sovjetike! 23 shkurt”.
Iryna Rybakova, një oficere e mediave në ushtrinë ukrainase i tha Radios Evropa e Lirë se mesazhe të tilla, të cilat do të shpërthehen në copa të palexueshme, bëhen kryesisht për konsum të mediave sociale.
“Probabiliteti që armiku ta lexojë, është i ulët. Prandaj, fotografohen dhe postohen në rrjetet sociale”, thotë Rybakova për predhat e personalizuara. “Ky është më shumë një mesazh për shoqërinë ukrainase sesa për armikun.”
Rybakova thotë se mesazhet mund të shërbejnë gjithashtu si një lloj mënyre për të ngritur moralin. “Ndonjëherë është vetëm një mallkim për armikun. Shpesh njerëzit shkruajnë emrat e vëllezërve të tyre të vdekur, të cilëve shpresojnë t’u hakmerren me këtë predhë”, thotë ajo.
“Sa më shumë duan hakmarrje, aq më e madhe është predha që nënshkruajnë”, thotë Rybakova.
Shkrimi mbi predha është një zakon i kohës së luftës, të paktën 2000 vjet i vjetër. Shembulli i parë i njohur është një plumb i lashtë grek i gjuajtur me hobe ku është shkruajtur fjala “kap!”
Disa uebsajte ukrainase ofrojnë që të shkruajnë mesazhe me porosi në predha të destinuara për t’u gjuajtur drejt pozicioneve ruse për një tarifë të caktuar. Një faqe pretendon se ka mbledhur më shumë se 1.5 milion dollarë për ushtrinë ukrainase që nga lansimi më 2022.
Donatorët paguajnë rreth 200 dollarë që mesazhi i tyre të shkruhet në fishekë artilerie të kalibrit të madh dhe të bëhet një foto nga vijat e para të predhës së tyre të personalizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
