.png)
Nga Gazeta ‘SI’ – Administrata Tatimore ka rishikuar me ulje këstet e parapagimit të profesionistëve të lirë, duke i njohur atyre shpenzimet 30%, siç e njeh ligji i ri.
Pas një problemi në sistem dhe në metodologji, profesionistët e lirë u përballën me këste tatimore disafish më të larta nga se detyroheshin.
Me anë të një njoftimi, drejtoria e Tatimeve në Tiranë thotë se janë zbritur shpenzimet 30%, të parashikuar në ligj për të vetëpunësuarit me xhiro deri 10 milionë lekë. Sipas të dhënave, bëhet fjalë për rreth 9 mijë të vetëpunësuar.
Njoftimi i parë i Tatimeve për këstet e tatim-fitimit i shkoi bizneseve më 11 prill, por nuk u mor parasysh zbritja e shpenzimeve 30%, por ato shpenzime të deklaruara nga biznesi, duke e çuar faturën e tyre tatimore në vlera tepër të larta.
Ligji që futi profesionet e lira në tatim-fitim është dërguar tre herë në Gjykatën Kushtetuese, nga kontabilistët, avokatët dhe deputetja e PD-së Jorida Tabaku, të cilët e kanë quajtur atë antikushtetuese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
