Gazeta Si – Çmenduritë e merkatos nuk kanë fund. Edhe për një 16-vjeçar mund të afrohen shifra që pak kanë lidhje edhe me logjikën sportive. E tillë është oferta e PSG-së për Lamine Jamal, që kap shifrën 200 milionë euro.
Sipas ‘Marca’-s, kjo mega ofertë ka shkuar tashmë në tavolinën e drejtuesve të Barcelonës. Lamin Yamal, i vitlindjes 2007, ka debutuar këtë sezon me Barcelonën dhe po bën një paraqitje shumë të mirë. Futbollisti spanjoll duket se e ka fatin të shkruar për t’u bërë një yll në të ardhmen. Ai do të jetë kundërshtar i Shqipërisë në Europianin e Gjermanisë, pasi Spanja është në grup me kuqezinjtë.
Oferta e PSG-së i ka tronditur drejtuesit katalanas, të cilët ndoshta nuk e prisnin një lëvizje kaq të shpejtë nga klubi i sheikëve. Parisienët në fakt do të humbasin Kilian Mbape pas pak muajsh, kur ai pritet të kalojë te Real Madrid, ndaj dhe duket se po i paraprinë situatës.
Përveç Jamal, në planet e PSG-së janë edhe emra të tjerë talentesh, si Bukajo Saka i Arsenalit, apo dhe Rafael Leao i Milanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
