Super Mbape dhe Zhiru nënshtrojnë Poloninë, Franca në çerekfinale

Gazeta Si – Franca kalon në çerekfinale të Katar 2022, duke iu bashkuar Holandës dhe Argjentinës. Kampionët e botës mundën 3-1 Poloninë, nën shenjën e dy sulmuesve Olivier Zhiru dhe Kilian Mbape. Goli në shtesë i Levandovskit me penallti vlen vetëm për statistika.

Olivier Zhiru gjithmonë e më shumë në historinë e Francës. Me golin e realizuar ndaj Polonisë, sulmuesi i Milanit është tashmë shënuesi më i mirë në historinë e Francës. Ai ka kapur shifrën e 52 golave, një më shumë se Tierri Henri, të cilin e barazoi vetëm pak ditë më parë.

𝑆𝑒𝑢𝑙 𝑠𝑢𝑟 𝑠𝑜𝑛 𝑡𝑟𝑜̂𝑛𝑒 👑

Ouverture du score des Bleus à la 44e minute !! 😍

Grâce à ce but, @OlivierGiroud devient le 𝙈𝙀𝙄𝙇𝙇𝙀𝙐𝙍 𝘽𝙐𝙏𝙀𝙐𝙍 de l’histoire de l’Équipe de France 🇫🇷

🇫🇷1-0🇵🇱 #FRAPOL | #FiersdetreBleus pic.twitter.com/exSxlTjYQX
— Equipe de France ⭐⭐ (@equipedefrance) December 4, 2022

Zhiru zhbllokoi rezultatin në fundin e pjesës së parë me një diagonale të saktë brenda zonës, pas një pasimi të Mbape. Ky i fundit më parë kishte vënë në provë Sheznin, ndërsa Polonia iu afrua golit me Levandovskin dhe Zielinskin. Varane në një rast shpëtoi portën, duke largua topi thuajse mbi vijën fatale.

Në pjesën e dytë Polonia tentoi të bënte diçka për të barazuar, por u ndëshkua në një nga kundërsulmet vrastare të ‘gjelave’, të finalizuar nga Mbape. Gjuajtje e fuqishme me të djathtën dhe topi në rrjetë. Polakët kanë kapitulluar në këtë moment dhe francezët kanë realizuar edhe golin e 3-të në shtesë. Përsëri Mbape, dopietë edhe në këtë ndeshje.

Në minutën e 8-të shtesë Polonia fitoi një penallti, që Levandovski e humbi në gjuajtjen e parë, por arbitri vendosi që të përsëritej dhe sulmuesi i Barcelonës më pas shënoi. Polakët kthehen në shtëpi, kurse vëmendja e francezëve kalon te çerekfinalja, ku me shumë gjasa do ndeshen me Anglinë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.