Pas protestave në KZAZ-në e Dibrës, Policia e Dibrës ka vënë në pranga një tjetër zyrtar të Partisë Demokratike.
Bëhet fjalë për nënkryetarin, Ilir Hysa.
Ai është arrestuar pas përleshjeve të forta mes policisë dhe protestuesve më 28 qershor në KZAZ-në numër 19. Protestuesit donin të kundërshtonin me të gjitha mënyrat organizimin e votimeve më 30 qershor.
Militantët e PD-së tentuan të çanin kordonin e policisë për t’u futur brenda KZAZ-së dhe për të djegur materialet zgjedhore, por u shpërndanë nga policia me gaz lotsjellës.
Lidhur me këtë incident, pak ditë më parë u arrestua edhe nënkryetari tjetër i PD në Dibër, 30-vjeçari Korab Muça. Policia ka bërë të mundur ndalimin e tij në pikën kufitare të Bllatës.
Protesta e 28 qershorit, e cila vijoi për orë të tëra pati edhe të lënduar dhe shumë të shoqëruar në komisariat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
