.png)
Grupi parlamentar i Partisë Demokratike mbeti ende pa qëndrim teksa Taulant Balla në anën tjetër e pret Enkelejd Alibeajn për negociata për presidentin.
Alibeaj ka thënë se nuk duhet shmangur si proces, ndërsa Berisha e ka cilësuar farsë procesin dhe mafioz.
Por deputeti i PD-së, Dashnor Sula ka hedhur idenë që opozita të propozojë kandidatin e vet.
Në këtë mënyrë, sipas tij, i mbetet mazhorancës për të kuptuar se sa e sinqertë është në ftesën e saj.
“Unë nuk jam për të bojkotuar proceset. Është treguar se në nuk kemi fituar asgjë nga bojkotet. Bojkotuam ne 2014 Reformën Territoriale dhe e pame sesi e bëri Rama. Me pas betë çmendurinë kolektivë që dogjët mandatet dhe serish e pate se si përfunduam si opozite. Betë serish çmendurinë me zgjedhjet lokale dhe serish u penalizuam.
E pame ne 6 mars sa e vështire është. Ne nuk përfitojmë asgjë nga bojkotet e proceseve. Çfarë na pengon neve deputetët e opozitës që me 28 firma të çojmë propozimin tonë në Kuvend. Pastaj le t’i mbesë maxhorancës turpi i zgjedhjes.
Tani thoni qe presidenti është pa kompetenca dhe Rama e zgjedh vetë se i ka votat. Po ishte marrëveshja e 21 prill 2008 që e bëri Presidentin pa kompetenca që unë se bashku me disa koleg në atë kohë votuan kundër kësaj…”, është shprehur ai
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
