Stuhi, ndërprerje të energjisë dhe fryrje të lumenjve, Europa Qendrore përmbytet nga reshjet ekstreme

Vendet e Evropës Qendrore e Lindore po goditen nga ato që mund të quhen përmbytjet më të këqija në pothuajse 30 vjet. Shërbimet e urgjencës po përballen me reshjet e rrëmbyeshme, që frynë lumenjtë dhe dëmtuan mijëra shtëpi.

Të paktën 4 persona në Rumaninë lindore janë gjetur të vdekur, pasi stuhitë e rrëmbyeshme shkaktuan shi të paprecedentë, duke lënë qindra të bllokuar në zonat e përmbytura

Shërbimet e shpëtimit u përpoqën për të shpëtuar njerëzit në qarqet lindore të goditura rëndë, Galati dhe Vaslui. Trupat e tyre u gjetën në lokalitetet Pechea, Draguseni, Costache Negri dhe Corod, tha Departamenti për Situata Emergjente.

Autoritetet e urgjencës publikuan pamje që tregojnë ekipet e shpëtimeve duke evakuuar njerëzit me varka të vogla shpëtimi përmes ujërave me baltë dhe duke transportuar disa të moshuar

Ndërkohë një person ka vdekur nga mbytja në Poloni, konfirmoi të dielën kryeministri Donald Tusk, ndërsa dhjetëra njerëz u evakuuan të shtunën nga dy fshatra pranë qytetit Nysa, në pellgun e lumit Nysa, pasi meteorologët paralajmëruan për reshje të paprecedentë dhe nivelet e ujit në disa lumenj në zonë u rritën ndjeshëm. Ministri i Brendshëm Tomasz Siemoniak paralajmëroi se “më e keqja nuk ka ardhur ende”.

Autoritetet polake u bënë thirrje banorëve të premten që të grumbullojnë ushqime dhe të përgatiten për ndërprerjet e energjisë duke ngarkuar bankat e energjisë, shkruan A2.

Lumi Biała Głucholaska në Poloni, i cili e kaloi nivelin e alarmit me më shumë se dy metra gjatë natës, rrezikon të përmbytet gjithashtu. Disa banorë të qytetit, shtëpitë e të cilëve ndodhen pranë lumit janë evakuuar gjatë natës.

Në Republikën Çeke, përmbytjet kanë çuar në evakuimin e 51,000 familjeve në zonat veriore të vendit janë goditur nga ndërprerjet e energjisë, thotë kompania çeke e energjisë CEZ. Barrierat nga përmbytjet janë rritur në kryeqytetin Pragë.

Ujërat e lumenjve arritën nivele të rrezikshme në dhjetëra zona në të gjithë vendin të shtunën në mëngjes, duke përmbytur shtëpi dhe rrugë në disa qytete dhe fshatra. Shiu i dendur dhe erërat e forta lanë më shumë se 63,000 familje pa energji

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.