.png)
Shqipëria është ndër shtetet me raportin më të lartë të vdekjeve në Evropë gjatë periudhës së pandemisë.
Këto janë të dhënat e fundit të publikuara në Revisten Mjekesore “eLife” e cila ka analizuar të dhënat e përvitshme për sa i përket vdekshmërisë.
Në studim u mblodhën të dhënat e popullsisë dhe vdekjet e raportuara nga autoritetet e 103 shteteve për një periudhë nga viti 2015 deri në vitin 2019.
Me anë të tyre llogaritën shifrat e mundshme të vdekjeve të çdo shteti për vitin 2020 në rrethana të zakonshme.
Këto shifra më pas i vunë në krahasim me numrin e deklaruar të vdekjeve prej COVID-19 ku nxorën në pah vdekjet e tepërta.
Në këtë mënyrë faktori më i lartë i vdekjes për këto raste mund të konsiderohet pandemia.
Pjesë e vendeve me raportin më të lartë të vdekjeve në Europë ishin edhe Kosova dhe Maqedonia e Veriut
Studimi nuk përfshin shtete të mëdha si Kina, apo India, megjithatë përmbledh shumicën e vendeve të Evropës, Amerikës së Veriut dhe Jugut.
Shtetet me raportin më të lartë të vdekjeve shtesë në Evropë.
1 – Shqipëria dhe Maqedonia e Veriut patën një rritje me 43% të numrit të vdekjeve shtesë krahasuar me mesataren vjetore. Zyrtarisht deri në mars 2021 në Shqipëri pati rreth 2,200 viktima nga COVID-19, por pati rreth 9,300 viktima që u raportuan nga INSTAT mbi mesataren vjetore.
2 – San Marino me një popullsi prej rreth 33 mijë banorësh raportoi zyrtarisht 90 viktima nga COVID-19. Sidoqoftë sipas studimit pati 110 vdekje shtesë me një rritje prej 42% nga mesatarja dhe një raport 320 vdekje për çdo 100 mijë banorë.
3 – Sllovakia dhe Çekia kishin një rritje me 30% të vdekjeve shtesë. Sllovakia shënoi një raport 310 vdekje të tilla për çdo 100 mijë banorë. Ndërsa Çekia 320.
4 – Kosova pa një rritje me 30% të numrit të vdekjeve shtesë gjatë periudhës së pandemisë. Studimi thotë se kishte një raport prej 150 vdekje të tilla për çdo 100 mijë banorë.
Më keq u paraqit Maqedonia e Veriut, që radhitet mes 10 vendeve me më shumë vdekje të shtuara në studim, me një raport 420 vdekjesh shtesë për çdo 100 mijë banorë.
Por ky nuk është raporti i parë që tregon se në Shqipëri ka një numër më të lartë vdekjesh.
Gjetjet e publikuara në Maj nga “Institute Health Data” një institut amerikan për vlerësimin e shëndetit me qendër në Uashington, tregoi se vendi ynë në total ka pasur 529 vdekje për 100 mijë banorë nga marsi i vitit 2020 deri në maj të vitit 2021.
Ekspertët e Shëndetit Publik të vendit tonë aso kohe shpjeguar për Gazetasi.al se raporti vjen nga një institut i besueshëm dhe në bazë të përllogaritjeve qëndron. Sipas tyre Shqipëria ka raportuar vetëm 16.7% të vdekjeve nga Covid-19.
Marrë nga Revista Mjekesore “eLife” / Pershtati Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje