Ndryshimet në strukturën e shtyllës kurrizore nga neandertalët deri tek njerëzit modernë janë një shpjegim i mundshëm për dhimbjet e shpinës dhe sëmundjet e lidhura me të, që njerëzit përjetojnë sot, sipas një studimi të ri.
Studimi krahasues, i botuar të mërkurën në revistën “PNAS Nexus”, ekzaminoi shtyllat kurrizore të njerëzve modernë që jetuan në epokën e revolucionit para-industrial, si dhe ato të njerëzve post-industrial nga e gjithë bota, së bashku me mostrat e shpinës së Neandertalëve.
Në përgjithësi, analiza përfshiu 1660 rruaza të 332 njerëz modernë meshkuj dhe femra, thonë studiuesit, duke përfshirë ata nga Universiteti i Nju Jorkut (NYU) në SHBA. Studiuesit vlerësuan në mënyrë të veçantë lakimin e shtyllave kurrizore.
Ata zbuluan se shtyllat kurrizore të Neandertalit ishin dukshëm të ndryshme nga ato të njerëzve modernë. Hulumtimi zbuloi gjithashtu se shtyllat kurrizore te njerëzit modernë treguan më shumë dëmtime të mesit, ose vertebrave të poshtme, sesa tek njerëzit Neandertalët.
“Rezultatet tona tregojnë që këto dallime janë të lidhura me aktivitetin dhe aspektet e tjera të stilit të jetesës dhe jo me prejardhjen e popullatës”, shkruajnë shkencëtarët në studim.
Sipas shkencëtarëve kjo është për shkak se shtyllat e tyre në pjesën e mesit janë më pak të lakuara se ato të njerëzve modernë. Megjithatë, ata thonë se kurrizet moderne të njeriut në këto studime ishin të atyre që jetuan mirë pas fillimit të industrializimit, i cili ndryshoi ndjeshëm jetën e njerëzve.
“Kërkimet e kaluara kanë treguar se nivelet më të larta të dhimbjes së mesit lidhen me jetesën e zonave urbane dhe veçanërisht në mjediset e fabrikave të mbyllura, ku punonjësit qëndrojnë në pozicione të lodhshme”, tha në një deklaratë autori Scott Williams.
Duke ekzaminuar shtyllat kurrizore nga njerëzit që jetuan në epokën post-industriale, studiuesit thonë se këto studime të hershme mund të kenë arritur gabimisht në përfundimin se formimi i shtyllës kurrizore që shihet tek njerëzit modernë Homo sapiens është për shkak të zhvillimit evolucionar dhe jo të ndryshimit të kushteve të jetesës dhe punës.
Burimi: The Independent/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
