.png)
Nga Gazeta “SI”– Ka nisur sot java e karnavaleve të Shkodrës. Aktivitetet e ditës së parë i dedikohen nxënësve të shkollave ndërkohe në ditët në vazhdim do të ketë parada, koncerte dhe shumë aktivitete të tjera.
Njoftimin e ka dhënë Bashkia Shkodër në rrjetin social facebook.
“Karnavalet e Shkodrës kanë startuar, duke sjellë një javë të mbushur me ngjyra, muzikë dhe emocione! Atmosfera festive ka nisur me interpretimet e shkollave të qytetit, ku fëmijët, të shndërruar në personazhe të ndryshme, kanë dhuruar spektakël dhe gëzim në rrugët e Shkodrës”
Këtë vit Karnavalet do të zgjasin shtatë ditë duke e kthyer Shkodrën në një destinacion të kulturës dhe argëtimit.
“Parada madhështore, koncerte dhe performanca artistike do të shoqërojnë qytetin për shtatë ditë, duke ruajtur një traditë të pasur kulturore dhe duke e kthyer Shkodrën në një destinacion të vërtetë festash” mbyll postimin Bashkia Shkodër.
Tradita e festimit të karnavaleve në Shkodër daton që në 1860, për tu ndërprerë gjatë periudhës së diktaturës komuniste e për tu rikthyer pas rënies së sistemit. Karnavalet e Shkodrës krijojnë imazhe koherente por gjithnjë duke qënë të lidhur në mënyrë konkrete me rrënjët historike dhe kulturore të këtij qyteti .
Dita e karnavaleve është një festë, ku ndërthuret historia dhe kultura, e cila në vetvete përmban shumë domethënie që identifikohet me një maskë apo ngjyrë karakteristike të kësaj feste. Karnavalet janë një feste në qytet, duke bërë bashkë të mëdhenj dhe të vegjël, në një traditë sa të vjetër po aq dhe moderne.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
