.png)
Nga Gazeta Si- Keir Starmer, kryeministri i Britanisë është një nga liderët e parë që ka mbërritur në Shqipëri në kuadër të samitit të Europës.
“Ai do të përpiqet të ringjallë përpjekjet e tij të dështuara për të goditur emigracionin e paligjshëm në Britani, ndërsa kalimet me varka vazhdojnë të rriten”.
Kështu e komentojnë mediat britanike ardhjen e Starmer në Shqipëri sot, duke shtuar se kryeministri shpreson të forcojë përpjekjet me Shqipërinë për të luftuar bandat e kontrabandës së njerëzve.
Zyrtarët e Britanisë kanë hartuar plane për të kthyer emigrantët e mbërritur në Britani.
“Sir Keir dhe homologu i tij shqiptar Edi Rama pritet të bien dakord për masa për të ndaluar emigrimin e neveritshëm”, shkruan Express.
Vizita e tij në Shqipëri vjen në të njëjtën javë kur numri i njerëzve që kalojnë Kanalin kaloi 12,000 për vit.
Partia Laburiste u zgjodh me një premtim për të “shkatërruar bandat” që trafikonin njerëz në Britani me anije të vogla, por rreth 12,699 njerëz e kanë bërë udhëtimin deri më tani këtë vit, duke e bërë vitin 2025 një vit rekord për kalimet kufitare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
