.png)
Gazeta Si – Në një video të publikuar në rrjetin social TikTok, Xhovana Nikolli i, e cila u bë e njohur për publikun, gjatë vitit të kaluar, ku nga shpërthimi i një sasie tritol, në një banesë të marrë me qira nga e reja në Elbasan, humbi jetën 29-vjeçari Enea Thomaraj, ka hedhur sërish akuza ndaj SPAK.
Pak ditë pas kontrollit të ushtruar në banesën e saj nga Prokuroria e Posaçme, ku u bë sekuestrimi i telefonave të saj, motrës dhe prindërve, Xhovana Nikolli shprehet se i kanë bërë pritë në aeroport duke i thënë se motra e ka shitur në Spanjë ku do ta vrisnin.
Gjithashtu ajo shkruan se Prokuroria e Posaçme mbron kriminelët dhe do që të shkatërrojë familjen e saj. Nikolli pretendon se është ndaluar në Rinas nga prokurorë të SPAK dhe se i kanë thënë që të mos shkojë në Spanjë, pasi motra e ‘ka shitur’ dhe se atje do ta vrasin.
“SPAK fut intriga mes motrave, turp t’ju vijë çfarë shteti kemi.. më bënë pritë në Aeroport dhe më thanë që ‘mos ik në Spanjë se motra t’ka shit do t’vrasin’, fjalët e SPAK-ut! Mbroni kriminelët dhe doni të shkatërroni familjen tonë… Jam e gatshme për çdo gjë deri në fund”, shprehet ajo.
Ditë më parë Prokuroria e Posaçme (SPAK), ushtroi kontrolle në banesën e motrave Alda dhe Xhovana Nikolli, në lidhje me vdekjen e fqinjit të tyre Enea Themollari.
Xhovana Nikolli ka publikuar vazhdimisht video në rrjetet sociale ku pretendonte se SPAK po e favorizonte vrasësin me pagesë Nuredin Dumani duke i dhënë lehtësi që të urdhërojë vendosjen e tritolit nga qelia.
Xhovana Nikolli pretendon se i dashuri i saj, Amarildo Xhanej (Nikolli), po ashtu i arrestuar si i dyshuar për vrasje me pagesë, është kanosurr nga Nuredin Dumani, i cili kërkonte t’i vendoste gjobë një personazhi tjetër të botës së krimit, që njihet ndryshe si “Luzi”.
Alda Nikolli, motra e Xhovanës, deklaroi në SPAK se ajo kishte lidhje me Dumanin prej disa kohësh, duke treguar se kishin komunikim të vazhdueshëm në lidhje Skype nga qelia, e po ashtu ka rrëfyer edhe të tjera detaje që i dënuari i drejtësisë i ka thënë në komunikimet private, sipas pretendimeve të saj.
Shpërthimi me tritol në derën e banesës ku ajo jetonte e ku viktimë mbeti Enea Themollari, fqinji i tyre, sipas të resë, është bërë me urdhër të Dumanit, pasi ajo foli në SPAK.
Xhovana Nikolli është e dashura e Amarildo Nikolli, personazhi i njohur në botën e krimit, tashmë i arrestuar. Amarildo Nikolli po bashkëpunon me autoritetet dhe dyshohet se ka zbardhur ngjarje kriminale të ndodhura në Vlorë, Tiranë dhe Shkodër, ku ka përmendur emra të njohur të botës së krimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
