Ambasadori i Bashkimit Europian, Luigi Soreca, ka apeluar edhe njëherë klasën politike shqiptare të dalë mbi dallimet partiake për të përmbushur objektin kombëtar, hapjen e negociatave me BE.
Ai ka rekomanduar dialogun sërish për politikën shqiptare për të bërë përpara në rrugën e integrimit europian.
Në një postim në Twitter, Soreca shkruan se: “Shqipëria ka bërë përparim të konsiderueshëm që nga qershori i kaluar. Ka ende punë për t’u bërë deri në qershorin e ardhshëm.
Është me të vërtetë koha tani për të kapërcyer dallimet partiake dhe për t’u angazhuar në dialog. Për të mbrojtur interesat e popullit shqiptar që dëshiron të vazhdojë të lëvizë drejt BE-së”.
Deklarata e Sorecës vjen pas vizitës së përfaqësuesve të vendeve të BE-së në vendin tonë. Përfaqësues të 28 vendeve anëtare të vendeve të BE kanë zhvilluar ditën e sotme takime presidentin Ilir Meta dhe kryeministrin Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
